आस भेटीयाची तुझ्या
लागली रे पांडुरंगा ।
पाऊले चालती वाट
येण्या पंढरपुरा ।।
टाळ मृदूंगचा
दुमदुमला तो नाद।।
श्वासातून घुमला आवाज
विठ्ठल विठ्ठल ।।
ऊन वारा असो वा पाऊस
मनी फक्त तुझीचं रे भक्ती ।
आम्हांला बळ देते
सर्व तुझीचं रे हि शक्ती ।।
तुच आमचा वाली
तुच माय बाप ।
नतमस्तक हा देह
तुझ्या चरणी ।।
पाहण्या रूप तुझें आता
कासाविसला हा जीव ।
मणी एकच ध्यास
ती वाट गाभाऱ्याची।
ओढ तुझीया भेटीची
मुखी फक्त अभंगा ।
नावं तुझे रे
गोड पांडुरंगा ।।
माऊली माऊली
नाद एकच घुमला ।
जेव्हा मंदिराचा
कळस तो दिसला ।।
सावळे सुंदर असे
रूप ते मनमोहक ।
डोळे दिपवतो वारकरीचे
असे तेज तुझे ।।
चंदनाचा लेप माथी
गळी तुळशीमाळ ।
विटेवरी उभा बघा
तो माझा पांडुरंग ।।
#देव_माझा_विठु_सावळा
-निलेश वि. खरात
औरंगाबाद
